Gargai Online TV

An ɗauke ɗalibin Jami’ar Bayero Kano, BUK, Shafi Auwal Muhammad, ɗan aji 2 da ya ke karantar Ilimin Fasahar Fetur a jami’ar.

Iyayen ɗalibin sun baiyanawa Daily Nigerian Hausa cewa ya bar gida tun a ranar Alhamis, amma kuma an ɗauke shi a tsakanin Tsohuwar BUK zuwa Sabuwar BUK.

Iyayen na sa sun ce har yanzu ba a tuntuɓe su ta waya a kan Muhammad, ko gano inda ya ke ba.

Haka-zalika Ƙungiyar Ɗalibai ta BUK, a wata sanarwa mai ɗauke da Shugaban ta na riƙon ƙwarya, Auwal Lawan Nadabo, ta tabbatar da ɓatan ɗalibin.

A sanarwar, ƙungiyar ta ce bayan samun labarin ɓatan Muhammad, ta tuntuɓi abokan karatun sa, waɗanda su ka tabbatar da cewa bai zo makaranta ba bayan ya bar gida, inda ta ƙara da cewa duk layikan sa na waya ba sa aiki.

Ƙungiyar ta ce duk wanda ya gan shi ko ya samu wani labari a kan sa to ya tuntuɓi 08064178848.

Daily Nigerian Hausa ta tuna cewa a Bara ma an samu rahoton ɗauke wata ɗalibar jami’ar, wacce a ka ɗauke a kan hanyarta ta zuwa Sabuwar BUK, amma daga bisani a ka tsince ta a wani gida a unguwar Sabongari a cikin birnin Kano.

Haka-zalika yau kwanaki 3 kenan da ƴan bindiga su ka kutsa kai gidan mahaifiyar tsohon ɗan majalisar wakilai ta Kano, mai wakiltar Gezawa, Isyaku Ali Danja, inda su ka yi awon-gaba da ita.

YA YIWA ‘YAR SHEKARA 3 FYADE

Wannan mutumi da kuke gani a hoto sunansa Ali Lawan yana da zama a Anguwar Doya dake cikin garin Kirfi a jihar Bauchi, ya auri wata mata a matsayin bazawara, tazo gidansa da karamar yarinya ‘yar shekara uku

Kwanaki biyar da suka wuce, wato ranar Lahadi 9-1-2022 da misalin karfe 6 na yammaci, sai Ali Lawan ya bukaci matarsa ta kawo masa taburma zai kwantar da ‘yar matar nasa

Bayan ta kawomasa taburma ya kwantar da yarinyar kuma matar ta bar gurin, zuwa wani lokaci da ta dawo sai ta tarar da ‘yarta cikin mawuyancin hali tana amai ta baki da hanci, da ta duba gaban yarinyar sai ta ga ya dagargaje yana ta zubar da jini

Nan take matar ta garzaya ofishin ‘yan sanda na karamar hukumar Kirfi, ‘yan sanda suka zo suka kama mijinta Ali, an kai yarinyar ‘yar shekara uku zuwa Asibiti inda Likitoci suka tabbatar Ali ya yiwa yarinyar fyade

Yanzu haka Ali yana sashin binciken manyan laifuka na rundinar ‘yan sandan jihar Bauchi wato State CIID, bayan kammala bincike za’a mikashi zuwa kotu

Allah Ya sauwake

LOKACIN TSAFI DA SASSAN JIKIN MUTANE YAZO

Kasancewar siyasa ta karato, zaku ga ritual killings a fadin tarayyar Nigeria zai karu, wato a kashe mutane a cire sassan jikinsu domin ayi tsafi, wasu daga cikin miyagun ‘yan siyasa suna aikata hakan saboda neman kujeran mulki

Wannan matashin da kuke gani a hoto, ‘yan sanda sun kamashi a garin Jos, ya yaudari budurwansa ya kawota gidansa ya kashe ta, ya cire mata ido da farjinta.

Sannn a jihar Zamfara ma, Kwamishinan ‘yan sandan jihar Zamfara ya fitar da sanarwa cewa sun kama wasu gungun mutane da suke sarrafa naman sassan jikin mutane suna sayar wa mayu da matsafa

Kaaruwai suna saurin fadawa tarkon matsafa masu sarrafa naman mutane, hakanan ‘yan mata masu kwadayi su ma suna saurin fadawa tarkon matsafa ba da kuma kananan yara wadanda basu mallaki hankalin kansu ba

Kananan yara a kula da su sosai, ayi musu huduba a tsoratar dasu kar su yadda wani mutum ya kirasu zuwa cikin lungu ko yace zai aikesu su amince, yanzu ba irin da bane, a fadakar da yara

Muna rokon Allah Ya karemu gaba daya

Rundunar ‘yan sandan jihar Zamfara ta gano wani mai harba roka, da kuma mai cin naman mutane.

A ranar 7 ga watan Janairu, 2022 jami’an soji da aka tura kan hanyar Dansadau a karamar hukumar Maru sun kama tare da ceto mutane 17 da aka yi garkuwa da su tun ranar 14 ga wata Disamba, 2021 a kauyen Wamba na karamar hukumar Mariga ta jihar Neja.  Kwamandan Birgediya 1 Brigade na Sojojin Najeriya da ke Gusau ya mika wadanda aka ceto su 17 ga rundunar ‘yan sanda inda aka duba lafiyarsu, inda ‘yan sanda suka yi bayaninsu tare da mika su ga kwamishinan ‘yan sandan jihar Neja wanda zai sake hada su da wadanda abin ya shafa.  iyalansu.

An kama mutane da dama da ake zargi da aikata laifuka daban-daban da suka hada da hada baki, kisan kai, cin naman mutane da kuma mu’amala da sassan jikin mutum.

Abubuwan da aka gano sun haɗa da: Hanji, huhu, Azzakari da Ido biyu

A yayin da ake yi masa tambayoyi, daya daga cikin wadanda ake zargin ya amsa cewa an ba shi kwangilar samar da sassan jikin dan adam a kan kudi naira dubu dari biyar (N500,000) wanda ya samu nasarar kama shi.

Wani mai siyan sassan jikin mutum, Aminu Baba mai ‘ya’ya 19, ya amsa laifinsa, kuma bayanansa na taimakawa ‘yan sandan binciken kama wasu ‘yan kungiyarsa.  Ya kuma kara da cewa ya kan ci sassan jikin dan Adam kuma ya gano makogwaro a matsayin mafi dadi.  Ya kuma sayar da wasu.

A ranar 8 ga watan Janairu, 2022, rundunar ‘yan sanda karkashin jagorancin kwamandan rundunar 42 PMF Squadron Gusau, yayin da suke tafe da juna a wasu wurare da ke karkashin kananan hukumomin Gummi, Bukkuyum da Maru, sun yi artabu da bindiga da wasu da ake zargin ‘yan bindiga ne.

Jami’an ‘yan sandan sun yi nasarar dakile harin, lamarin da ya tilasta wa ‘yan bindigar ja da baya tare da tserewa zuwa cikin dajin da yiwuwar harbin bindiga.  An gano wani makamin harba roka da kuma bindigar da aka kirkira na cikin gida na barayin a wurin.

Mun kuma damke wata ‘yar Nijar da ta saci yaron matar aurenta domin sayarwa.

Daga karshe ina kira ga jama’a da su yaba da kokarin jami’an tsaro wajen yakar miyagun laifuka da aikata laifuka a jihar tare da ci gaba da addu’ar Allah ya kara mana zaman lafiya da kwanciyar hankali a jihar Zamfara da Najeriya baki daya.

CP Ayuba N Elkanah psc(+)
Kwamishinan ‘yan sanda,
Zamfara State Command
Gusau.

EFCC ta kama Janar din karya, yace an nada shi shugaban rundunar sojin Najeriya

Jami’an ofishin hukumar hana cin hanci da tashawa da yiwa tattalin arziki zagon kasa ta EFCC a Lagos, sun damke wani mai suna Bolarinwa Oluwasegun.

Oluwasegun yayi karyar shi hafsan soja ne mai mukamin Janar, wanda kuma shugaban kasa ya bada sunansa don nada shi babban hafsan sojan kasa na Najeriya.

Yayi amfani da wannan karya ne don damfarar da ta kai kimanin Naira miliyan 270.

Haka kuma wanda ake zargin, ya gabatar da takardar bogi mai dauke da da sa hannun shugaban kasa don yin damfarar tasa.

Acewarsa zai yi amfani da kudin ne don tabbatar da an nada shi wancan mukami na babban hafsan sojin kasa.

Har Yanzu Ana Nemanta: Kwanaki 40 Da Sace Hanifa A Birnin Kano

Yau kimanin kwanaki Arba’in (40) da wasu masu garkuwa da mutane su ka sace wata yarinya mai shekara biyar a birnin Kano.

Mutanen sun ɗauke Hanifa Abubakar ne da misalin ƙarfe 5:00 na yamma a unguwar Kawaji bayan sun isa wurin a cikin babur mai ƙafa uku ko kuma Adaidaita-Sahu.

Wani kawun Hanifa ya shaida wa manema labarai cewa mutanen sun sace ta ne jim kaɗan bayan ta dawo daga makarantar Islamiyya tare da sauran yaran maƙota.

Wasu daga cikin yaran da suka ga lokacin da abin ya faru sun ce “ɓarayin sun zo ne a Adaidaita-Sahu kuma suka ce za su kai su gida. Bayan sun kai su, sai suka ce Hanifa ta sake hawa don su ɗana ta, amma sai suka gudu da ita.”

Birnin Kano ya sha fuskantar sace-sacen ƙananan yara a ƴan shekarun nan, abin da ya sa Gwamna Abdullahi Ganduje ya kafa kwamatin bincike domin ganowa da kuma bin haƙƙin yaran da ake sacewa.

A Oktoban 2019, rundunar ‘yan sandan Kano ta kama wasu da ake zargin sacewa da kuma safarar yara ‘yan asalin jihar zuwa garin Onitsha na Jihar Anambra da ke kudancin ƙasar, inda ake tilasta musu sauya addini da al’ada.

Idan Ba Mu Yi Da Gaske Ba, Mayakan ISWAP Za Su Fitini Najeriya – Zulum.

Gwamnan ya bayyana hakan ne yayin da Kwamitin Majalisar Dattawan Najeriya da ke kula da sha’anin sojin kasar ya ziyarce shi a Maiduguri.

Gwamnan jihar Borno Farfesa Babagana Umara Zulum ya nuna “matukar” damuwa kan yadda mayakan ISWAP ke karuwa a wasu sassan jihar, lamarin da ya sa ya yi kira ga jami’an tsaro da su dauki “matakan gaggawa.”

Gwamnan ya bayyana hakan ne yayin da Kwamitin Majalisar Dattawan Najeriya da ke kula da sha’anin sojin kasar ya ziyarce shi a ranar Laraba a Maiduguri.

“Maganar gaskiya ita ce, ya zama dole mu dauki mataki akan mayakan ISWAP a jihar Borno, idan muka ki fatattakar su, ta yi wu su zama matsala ba ga yankin arewa maso gabas kadai ba, har ma da daukacin Najeriya.”

Kwamitin ya kai ziyarar ne karkashin jagorancin Sanata Mohammed Ali Ndume kamar yadda wata sanarwar da gwamnatin Bornon ta fitar ta ce.

Farfesa Zulum ya kara da cewa, “mayakan ISWAP na da makamai kuma a shirye suke sannan suna da basira fiye da mayakan Boko Haram kuma suna karuwa akai-akai, dalilin kenan da ya sa ya kamata a fatattake su.”

Gwamnan ya kuma mika godiya ga gwamnatin shugaba Muhammadu Buhari da dakarun Najeriya da masu ayyukan sa-kai saboda irin taimakon da suke bayar wa.

“Jihar Borno na ganin dawowar zaman lafiya a hankali. Hakan ya yi wu ne saboda taimako da gwamnatin tarayya ta ba mu. Sannan shugabannin jami’an tsaro su ma suna ba da nasu hadin kan. A takaice, shugabannin rundunonin soji (GOCs) su ma suna ba da nasu taimakon,” Zulum ya ce.

Sai dai gwamnan ya nuna damuwa kan yadda mayakan ISWAP suke barazanar mayar da hannun agogo baya kan nasarorin da aka samu.

A gefe guda kuma gwamnan har ila yau ya ce mika wuya da daruruwan mayakan Boko Haram suka yi a kwanan nan, ya sa ana samun zaman lafiya musamman a yankunan da ake ayyukan noma.

Gabanin jawabin na gwamna Zulum, Sanata Ndume ya fada cewa kwamitin ya kai ziyarar ne don nuna godiya ga gwamnatin jihar Borno kan yadda take ba sojoji hadin kai da taimako, batun da su ma dakarun kasar suka jaddada a baya.